ملاك الاراضي المكتنزين / شربتو المقلب وهذا الدليل

السلام عليكم .

ما اشبه اليوم بالبارحه

الوليد بن طلال طلع لنا وقال انا ضخيت في السوق عشره مليار وصدقو الناس واشترو وتعلقو باسعار عاليه .

اليوم سلمان بن سعيدان يقولون احنا المطورين هالخبر زين لنا وحنا نبي نعين خير وبالعكس نبي نبي اراضينا ونبيع على الناس وحدات سكنيه.

وزير الاسكان زي مدير سوق المال ذيك الايام الله يذكره بالخير قال السوق ما رح يتاثر وحنا نبي نبدأ بالمساحات الكبيره والامور تدريجي وكلو تمام

الحين انت مبسوط من نفسك يالمكتنز والله اني فله واموري طيبه مثل ذاك اليوم يوم قالكم الوليد بضخ فلوس للسوق .

طيب اصحاب الاراضي ذات المساحات الكبيره ما رح يبعون ، رح ينتظرون الين تجي الرسوم ، وهل هم بما فيهم السعيدان الي ورطان بالفلل والبيوت الي بانيها يب يبني للناس ويورط نفسه اكثر وهو يعرف ان الناس لا يمكن تشتري في هبوط وانها رح تنتظر الين تبدأ تتماسك مره ثانيه، رح يبدأ الهروب ومن الي رح يهرب اول شيء اكيد الاخوان اصحاب المساحات الكبيره الي ذكرهم الوزير ووعدكم بالتدرج في تطبيقها وانتم راقدين ومستامنين الين يجي لكم الدور وتتفاجأ ان السوق مليان اراضي وما حد بيعطيك ربع القيمه الي شريت فيها ورح تدفع الرسوم او تبني وانت تضحك على الخابور الي اكلته .

انت تقول ما عندي سالفه

طيب يا حلو شف الاعلان هذا بلكات للبيع في السويدي بلكات مو بلك واحد

انت يالمكتنز ادفن راسك بالتراب مثل النعامه الين تكتشف انك ما تدري وين الله حاطك ، ولا يغرك ما رح ابيع الي تسمعها حولك ماني بايع بخساره هذا كلام فاضي ، مرت تسع سنين على انهيار الاسهم كم واحد تعرفه لا زال محتفظ باسهمه الي شراها في 2006 . وعلى فكره الاسهم افضل من الاراضي لانها لا تأكل ولا تشرب بل وتدر عليك أرباح سنوية.

انتم الان تجنون ما فعلته ايديكم اكلتم اموال الناس بالغلاء في الايجارات والاراضي وهاهي اموالكم تذهب هباء منثورا.

This entry passed through the Full-Text RSS service - if this is your content and you're reading it on someone else's site, please read the FAQ at http://ift.tt/jcXqJW.

ملاك الاراضي المكتنزين / شربتو المقلب وهذا الدليل